Ervini: “Do dal nëse del Ermela”

Banorët teksa rrinë në dhomën e ndenjes, flasin për nominimet dhe eleminimet. Ervini thotë me të qeshur që banorët të mos e votojnë më, sepse u bënë tre javë në nominim. Ata flasin për mundësinë e eleminimit të së shtunës dhe Neda i thotë Ervinit se ai nuk ka për të dalë. Ervini i thotë: “po doli Mela, do të dal edhe unë”. Banorët e pyesin nëse ai do të dilte me të vërtetë nga shtëpia, nëse do të dilte Ermela dhe Ervini u thotë se nuk ka kuptim nëse Ermela del dhe ai qëndron në shtëpi. Banorët e këshillojnë duke i thënë se nëse del Ermela ai ka për të treguar më mirë veten në shtëpi.

Ervini u thotë se ata e kanë nominuar atë dhe Ermelën sepse ata janë bashkë dhe u kërkon që të mos e nominojnë më Ermelën sepse në momentin që i bëjnë keq asaj, i bëjnë keq edhe atij. Klaudia dhe Mirjeta i thonë se ai po gënjen, ndërsa Ogreni mbron Ervinin dhe u thotë vajzave se ato nuk kanë pse e paragjykojnë. Ogreni thotë se nëse dikush ndjen diçka dhe thotë se do që të veprojë në një mënyrë të caktuar, nuk ka vënd për t’i thënë se kjo është e gabuar. Ervini u thotë banorëve se ai do të dalë sepse do që të vazhdojë mardhënien e tij me Ermelën edhe jashtë shtëpisë dhe nuk po e bën për të qëndruar në shtëpi. Ai thotë se “kopjet” asnjëherë nuk fitojnë, por ndoshta mund të zgjasin pak qëndrimin në shtëpi. Ogreni ndërhyn për të sqaruar banorët e tjerë të pranishëm dhe thotë se Ervini e ka të qartë që kopjet nuk fitojnë dhe nëse del Ermela, ai nuk fiton lojën, por fiton lidhjen e tij.

Kështu ata bisedojnë për një kohë të gjatë duke komentuar sjelljen e Ermelës dhe Ervinit në raport me njëri-tjetrin dhe deklaratat e tyre për të dalë nga shtëpia, nëse njëri do të eleminohet.