9 DASMAT që i dhanë shkëlqim vitit 2010

2010 ka pasur shumë martesa VIP. E para që çeli siparin e dasmave ishte këngëtarja e njohur maqedonase, Tuna Sejdiu. Martesa e saj me Rilind Rekën, zgjoi vëmendjen e të gjithë gazetarëve, të cilët në përfundim të saj publikuan edhe shifrën e kripur të kësaj ceremonie. Deputeti i Partisë Demokratike, Gerti Bogdani, i ka dhënë gjithashtu fund beqarisë gjatë këtij viti. Më 16 korrik të 2010,Gerti dhe Edlira, ka zhvilluar ceremoninë e parë të martesës së tyre, ku të ftuar ishin shumë personalitete të vendit. Pas Gertit, ishte prezantuesja Xhemi Shehu, ajo që përjetoi emocionet e martesës. Pas një lidhjeje të gjatë me biznesmenin Elvis Sula, këtë fillim vjeshte prezantuesja bukuroshe ka kurorëzuar lidhjen e saj në një dasmë tradicionale. Vetëm një javë pas saj, kolegia e Top-it, Amarda Toska lidhi kurorë me humoristin e dashur, Ermal Mamaqi. Tre ceremoni, secila me një stil të veçantë, më pas një muaj mjalti për t’u pasur zili në Aruba...Kjo ka qenë axhenda e ngjeshur e dasmës së çiftit të dashur të ekranit. Këngëtari Blero Muharremi, nuk i ka shpëtuar dot martesës gjatë këtij viti. Pas lindjes së vajzës Tara, Blero dhe aktorja Teuta Krasniqi kanë celebruar lidhjen e tyre në një dasmë plot ngjyra. Jo më pak e përfolur ka qenë edhe dasma e Elvis Pupës, aktorit të njohur të “Portokalli”, me Belinën, vajzën shqiptare që prej vitesh jetonte në Amerikë. Megjithatë dasma e kreut të opozitës, Edi Rama, është ajo që do të lërë më shumë gjurmë në gjithë martesat e 2010. Pas gjithë zhurmës që ka bërë me jetën e tij private, Rama vendosi të vërë kurorë këtë tetor me Linda Bashën, pedagogen e shkencave ekonomike. Mbi 800 të ftuar, ka qenë numri i pjesëmarrësve në dasmën e liderit të opozitës, ndërkohë që më qindra zarfe e dhurata kanë mbërritur në adresë të çiftit gjatë ditës së shënuar. Modelja e famshme shqiptare në Amerikë, Valbona Çoba, që nga ky vit nuk do të futet më në radhët e beqareve. Bona lidhi kurorë me menaxherin amerikan, Todd, me të cilin njihej prej disa vitesh. E fundit nga vajzat e famshme të ekranit që lidhi kurorë gjatë këtij viti ishte prezantuesja dhe këngëtarja Gerta Heta. Dasma e saj me futbollistin kroat Matko Djarmati, ka qëndruar për javë në faqet e suplementit “Bluetooth”, duke zbuluar herë pas here detaje të reja nga lidhja e tyre, e cila u celebrua në një ceremoni fantastike